صاحبك على راسنا
بقلم..مرقص إقلاديوس
....
ياللى خسرت حبايبك.
بسبب كلام صحبك.
ليه قبل الفرقة
ما فكرتش بحبك.
الكلام
ما ينفعش يبقى مساره.
من ودنك لعقلك.
لازم يمر على قلبك.
صاحبك يا صاحبى.
مش هيعيش حياتك بدلك.
هو يقول،
و هما يقولوا.
و إنت تعمل اللى يوافقك.
و فين العينين المرفوعة لفوق.
عشان المشورة من ربك.
اللى ادالك كل الخير
اللى انت فيه.
و اللى دايما بيحبك.
من هنا ورايح
حاسب من كلام صحبك.
مش كل الصحاب
بالخير بيشيروا.
و اوقات كتيرة
للعقل بس بيميلوا.
و اوقات
بيكون ليهم غرض.
و بسبب غرضهم
بيحطوا على الكلام و يشيلوا.
خد بالك يا صاحبى
من كلام صحبك.
خايف تنخدع
و تخسر بسببهم
اللى صحيح بيحبك.
ملاح بحور الحكمة
مرقص إقلاديوس
ليست هناك تعليقات:
إرسال تعليق