كله بالحساب
بقلم ..مرقص إقلاديوس
.......
يا مسافر بعيد و متغرب.
و سايب وراك حبيبة
بيعانى منها القلب.
و سايب وراك إبن و إبنة
نفسهم يعيشوا حنان الأب.
عشان قرش حلال
تقضى بيه المعايش.
ربنا يرزقك و يباركلك يا عمنا.
بس ما تغيبش.
أول ما تلاقى
إن ربنا راضاك ارجع.
اوعى تطول الغيبة.
على قلب بيوجع
اوعى تطمع.
عشان الصبى
محتاج أب جنبه.
حد عشان القرش يضحى بإبنه.
عشان الصبية
لازم فارس يكون ليها راعى.
و ده دورك يا عمنا الواعى.
اوعى
القرش يغرك.
و الوقت يجرى منك.
و ما ترجعش.
ملاح بحور الحكمة
مرقص إقلاديوس
ليست هناك تعليقات:
إرسال تعليق